No : 25/VII G/PHMJ/04/2012
Tanggal :
Minggu, 08 April 2012
Renungan
Singkat :
Bacaan
Kolose 3:3
KATANGEKAKE
“Sebab kowe wus padha mati lan uripmu iku sinengker kelawan Gusti Kristus
ana ing Gusti Allah.”
Rasul
Paulus paring pepenget dhumateng tiyang tiyang ing Kolose bab maknaning
wungunipun Gusti Yesus. Naming awit saking wungunipun sang Kristus ingkang
njalari tiyang pitados ugi katan gekaken. Pitakwnanipun punapa tegesipun bilih
tiyang pitados menika katangekake? Kapan titiwancinipun tiyang pitados menika
katangekaken? Miturut Paulus gesang ing Sang Kristus menika gesang Enggal.
Ingkang kawastanan gesang enggal inggih menika gesang ingkang benten
kabandingaken sakderengipun pitados dhateng Sang Kristus kapitadosan Kristen
menika kawiwitan ing wungunipun Sang Kristus.
Dados
“katangekaken” tegesipun tumindak nilar tata gesang ing sajawining karsanipun
sang Kristus lajeng ngrasuk gesang ing salebeting pangwaosipun Sang Kristus.
Ing ayat 3 kadhawuhan “sabab kowe wus padha mati…” kados dene tiyang ingkang
sampun tilar, tamtu sadaya tumindakipun ugi tumut pejah. Inggih makaten
pemanggihipun Paulus. Temahan samangke tiyang pitados ing Sang Kristus
kawastanan dipun tangekaken. Lan kanthi makaten tiyang pitados miwiti
pigesangan enggal.
Srana
katangekaken gesangin tiyang pitados samangke “sinengker” kalawan Gusti Kristus
ana ing Gusti Allah. Tegesipun manunggal kaliyan Gusti Allah. Saradun ing gesan
dipun alami wonten ing Sang Kristus. Dados punapa kemawon ingkang dipun alami
lan dipun lampahi kedah salaras kaliyan katresnan lan karsanipun Gusti Allah.
“PRATANDANING GESANG ENGGAL KATITIK ING LAMPAH CUNDHUK KALIYAN KATRESNAN
LAN KERSANING GUSTI”
Tidak ada komentar:
Posting Komentar